Kunendaba ebuhlungu kakhulu esiphinde yavela ezinkundleni zokuxhumana mayelana nomculi kamaskandi ongasekho emhlabeni, uScebi Dlamini, obaziwa kakhulu ngeNkosi Yamagcokama.
Ezinyangeni ezimbalwa ezedlule, omunye wabalandeli bakhe abathembekile wamcela ukuthi ahlanganise bonke abalandeli bakhe ngekhonsathi eMzisho Stadium, eMsinga, okuyindawo yakubo.
Lo mlandeli wabhala wathi:
“Thina sicela nje usihlanganise eMzisho Stadium siwuMsinga, siyazicelela weDlamini.”
Impendulo kaDlamini yayimfishane, kodwa namuhla isizwakala ngendlela ehlukile. Waphendula wathi:
“Kuzobonakala.”
Omunye umlandeli naye wangena kule ngxoxo, ekhumbuza uDlamini ngesifiso sokuthi ngelinye ilanga enze lekhonsathi phambi kwabantu bakubo.
Wabhala:
“Kunini wawuyisho lendaba oe, and cabanga nje kungadilika neGoli.”
Lo mlandeli wayethemba ukuthi uDlamini uzogcina esewutholile lo mbono wakhe wokubuyela ekhaya enze ikhonsathi enkulu.
UDlamini waphendula ekhombisa ukuthi naye wayenalo lelo phupho.
“Wemfo kunini ngiyifisa hopeful one day kuzokwenzeka.”
Wayenethemba lokuthi ngelinye ilanga wayezokwazi ukwenza lekhonsathi yakhe enkulu eMzisho.
Nokho, lolo suku aluzange lufike ngendlela abalandeli bakhe ababecabanga ngayo.
Namuhla, iMzisho Stadium isingethe umcimbi wokugcina wokuvalelisa kuScebi Dlamini.
Leave a Reply