Bahleka bodwa abesifazane eMzansi ngengoma entsha kaBig Xhosa.
Lomrepha ogama lakhe langempela nguSesethu Myeki usekhiphe ingoma ethi Wapheni Imali, ekhumbuza amadoda ngokubaluleka kokuphatha kahle abesifazane abasebudlelwaneni.
Kule ngoma, uBig Xhosa noLwando badlulisa umyalezo wokuthi amadoda kufanele abonise uthando ngokunakekela abesifazane , okubandakanya ukubapha imali nezipho.
Lo myalezo usuthokozise abesifazane abaningi, kodwa uphinde uvuse umbuzo wokuthi ngabe ukukhipha imali kufanele kube yindlela eyinhloko yokukhombisa uthando yini.
UBig Xhosa waziwa ngokungagwegwesi emculweni wakhe. Waqala ukuduma kakhulu ngo-2021 ngezingoma ezazigxeka abanye omrepha baseNingizimu Afrika, kodwa manje useqhubeka nokuzama izihloko ezahlukene ezithinta impilo nobudlelwano.
Ukukhishwa kwale ngoma kuza ngesikhathi lo mrepha eqhubeka nokwakha umsebenzi wakhe ngaphansi kwabaphathi abasha, i-Asanda Empires, ngethemba lokukhulisa igama lakhe embonini yomculo.
Nakuba le ngoma ingase ibe yintandokazi ezindaweni zokuzijabulisa, umyalezo wayo ungase uhlukanise imibono phakathi kwabantu abakholelwa ukuthi imali iyingxenye ebalulekile yothando nalabo abathi uthando lubonakala ngezenzo, inhlonipho nokwethembana.
Leave a Reply