UMZUKULU KAMHLANGANYELWA
Kuphinde kwavutha inkundla yezokuxhumana ngesikhathi iqembu lezepolitiki i-LAND Party limemezela imbongi nomlobi uNontsikelelo “Ntsiki” Mazwai njengomuntu elizomfaka emjahweni wokuba yiMeya yoMkhandlu waseJohannesburg.
Iqembu likhiphe isitatimende esithi: “The LAND PARTY unveils Comrade Nontsikelelo ‘Ntsiki’ Mazwai, the Mayor of Ama2K, as its Mayoral Candidate for the City of Johannesburg.”
Lesi simemezelo sidale ukuthi abantu abaningi ezinkundleni zokuxhumana baphele insini, abanye bebhala amazwi athi: “Asidlali la.”
UNtsiki Mazwai usengomunye wabantu abahlale bevusa inkulumo ezinkundleni zokuxhumana ngenxa yemibono yakhe eqinile ngezombusazwe nezindaba zomphakathi.
Muva nje ubesegxile ezingxoxweni ezishubile ngemuva kokusho ukuthi abantu “baseMarch and March” bayamphaphela.
Leyo nkulumo yavusa impikiswano enkulu, kwathi abaningi bamsola, kwalandela nokuthi abanye bambize ngamagama ahlukahlukene ahlekisayo nawokumdelela okubalwa kuwo u”Mangcola”, “Nsangwini” namanye amaningi.
Naphezu kokugxekwa nokuhlekwa, i-LAND Party iveze ukuzethemba ngokhetho lwayo, yathi uMazwai unamandla okuhola iJohannesburg futhi umele ushintsho oludingwa yidolobha.
Leave a Reply